Apríl 2011

Nú stendur Smokkaherferðin 2011 yfir!

Ástráður er stoltur af því að taka þátt í þessu þarfa átaki. Herferðin hefur það markmið að vekja athygli á og umræðu um smokkinn og mikilvægi hans.

Fylgist með og like-ið facebook síðu herferðarinnar: facebook.com/smokkur

Plakötin má sjá á opinberum stöðum (t.d. í sundlaugum, heilsugæslustöðvum og skólum) um land allt!

Nóvember 2010  

Á næstunni hrindir Ástráður og félagið Smokkur - sjálfsögð skynsemi úr vör heljarinnar smokkaherferð innblásinni af þeirri sem margir muna eftir frá 1986. Herferðin sú vakti mikla athygli og kom notkun smokksins inn í umræðuna þegar alnæmisfaraldurinn var í algleymingi.

Um hundrað þjóðþekktir einstaklingar hafa gefið tíma sinn og setið fyrir á myndum og myndbandi. Gaman er að geta þess að margir þeirra voru með á plakötunum frá '86 og endurtaka því leikinn nú. 

Átakið, sem ber yfirskriftina Smokkurinn má ekki vera feimnismál, mun helst birtast almenningi á formi veggspjalda og auglýsinga í sjónvarpi auk þess sem skipuleggjendur vona að umræða aukist um mikilvægi þess að sporna gegn kynsjúkdómum og ótímabærum þungunum.

Ástráður hvetur því alla til að fylgjast með! 

Umfjöllun fjölmiðla:

Ísland í dag - DV - Vísir

Hér að neðan má sjá plakötin frá 1986. Smellið til að sjá þau í fullri stærð.