Trichomoniasis

Síðast uppfært: Sunnudagur, 21. Nóvember 2010 00:23 Þriðjudagur, 10. Febrúar 2009 21:08

Frumdýr (Trichomonas vaginalis) sem getur hreyft sig með svipulaga öngum. Smitar leggöng og þvagrás, jafnvel þvagblöðru kvenna og þvagrás karla.

Algengi

Nokkuð algengt meðal kvenna á aldrinum 16-35 ára og alveg upp í 45 ára aldur. Ekki eins algengt meðal karlmanna  og er oft ógreint í þeim.

Áhættuhópar

Fólk með marga rekkjunauta og þeir sem taka áhættur í sínu kynlífi (þ.e. nota ekki smokkinn).

Smitleiðir

Smitast fyrst og fremst við samfarir, en þar sem sníkillinn lifir á röku yfirborði í smá tíma er þó möguleiki á smiti með rökum handklæðum og jafnvel í sundlaugum ef ekki er nægjanlega gætt að klórmagni.

Einkenni

Margir hafa engin einkenni.

Konur geta fundið kláða, brunatilfinningu, roða í leggöngum og á ytri kynfærum. Gjarnan óeðlileg útferð sem er illa lyktandi, tíð/sársaukafull þvaglát, sársauki við samfarir og verkir í kvið. Einkenni versna gjarnan eftir tíðir.

Karlmenn eru yfirleitt einkennalausir. Ef þeir fá einkenni geta þau verið útferð, sársauki við þvaglát eða smá kláði í þvagrás.

Greining og meðferð

Hægt er að leita að dýrinu í útferð úr leggöngum. Í mönnum er tekið strok innan úr þvagrás og leitað að  sníklinum. Sýklalyfið Flagyl (metronidazol) er notað með góðum árangri. 
 
Líkaminn sér vanalega sjálfur um að lækna þetta. Fóstur getur smitast á leið í gegnum fæðingarveg.

Forvarnir

Smokkurinn og góðar hreinlætisvenjur.